Rektori: Aqutsisoqatigiiliornikkut eqqissiviilliorneq qaangissavarput
Inuit pillugit tusagassiuutitigut oqallinneq naammaleqaaq: Aqutsinermut instituttimi eqqisisariaqalerput. Ilisimatusarfiup rektoria Tina Pars taama isumaqarpoq. Taassuma instituttimi pissaaneq tallimanngormat tiguaa.
Ilisimatusarfiup rektoria Tina Pars Aqutsinermut instituttisimi pisortatut Atuukkallarnerani studienævniusimasoq aqutsisoqatigiinnit taarserneqarpoq.
Soorlu Studienævnip suliasarisimagaa, aqutsisoqatigiit instituttimi pisortaq Tina Pars siunnersortassavaat.
Siunnersuinerup imarissavaa apeqqutit ilinniartitsinermut tunngasut, ilinniartunik aqqutissiuuineq kiisalu atuagassanik akuersissuteqarneq. Tassalu taarserneqartup suliaanit allaanerugaanngitsut.
Tina Pars aperaarput imaanersoq, studienævnit tunuartut suliassaminnik naammassinnissinnaasimanngitsut?
- Eqqissisumik suleqatigiittoqarnissaa anguniarlugu taamatut inissiinikuuvunga. Taamatut akerusunneruara, Tine Pars akivoq.
Sapaatit akunnerini arlalinni oqallinermi atuakkat atuagassiissutigineqartartut isornartorsiutigineqarput, illuinnaasiornerarlugit tassani Marxip teoriivi amerlanerpaanerarlugit.
Aqutsisoqatigiit suliassaasa ilagaat, atuagassiissutit isinik nutaanik misissussallugit, Tina Pars oqarpoq.
- Isit nutaat atorlugit atuagassiissutit nalilersorneqassapput. Aqutsisoqatigiit nalilersuinertik uannut apuukkumaarpaat, siunnersuillutillu allannguisoqassanersoq imaluuniit naamik. Taava taassuma kingorna aalajangiissaanga, Aqutsinermut instituttimi pisortatut atuukkallartoq, rektor Tina Pars oqarpoq.
Studianævniusimasut aqutsisoqatigiillu assigiingissutigissavaat ilaasortaasussat. Ilinniartut studienævnimi sinniisaat taakkuuinnassasut marluk, ilinniartitsisut sinniisaat allanngussapput.
Aqutsisoqatigiit ulluni qaninnerni akuersissutigineqassapput, januaarillu aallaqqaataata tungaanut atassallutik, taamanikkussaq aqutsinermut inatsit nutaaq atuutilissammat.
