Rekordiliisoq: Kim Ujarak Lorentzenip 401 kilo kivippaa
Kim Ujarak Lorentzen nukittuneqqusaattarnerni unammissutit sakkortunersaanni natermiit kvitsinermi rekordiliisimasutut inissippoq. Tassami unammineq Greenland Strongest arfininngornermi pimmat 401 kilo natermiit kivippaa.
- Ilimagisanniit oqinaarneruara. Misigisimavunga suli oqimaannerusumik kivitsisinnaasimagaluarlunga, Kim Ujarak Lorentzen nammineq rekordini kilonik 30-nik qaangereerlugu KNR-mut oqarpoq.
Unammeriaatsit sisamat unammissutigineqarpoq oqimaannernilu Kim Ujarak Lorentzen ajugaasuuvoq unammissutsini tamaginni angusat katinneqarmata.
105 kilo ataallugu oqimaassusilinni Nikolaj Joensen Nuummeersoq ajugaavoq kiisalu 90 kilo ataallugu oqimaassusilinni Bjørn Lange Kristensen ajugaalluni.