Rekordi avaanngunartoq pillugu saqqummersitsisut

Ukiut 100-ut matuma siorna Julemærkesanatoriet Kolding Fjordimi ammarpoq. Taanna 1950-kkut ingerlaneranni kalaallinik uninngasoqaaluppoq. Nalliuttorsiorneq malunnartinniarlugu saqqummersitsisoqarpoq ilaatigut kalaallit uninngasut assiginik.

Kalaallit ilaqutariippassuit tuberkulose-mit eqqorneqarput 1950-ikkunni tuberkulose nunatsinni tuniluuterujussuallarmat ilaatigut toqoraataaqisumik. Kalaallit meeqqat Julemærkesanatoriamut Kolding Fjord-imut peqqissariaqartinneqarput piffissamilu 1952-59-mi kalaallit meeqqat 100-ut tasamani peqqissartinneqarsimapput.

Kalaallit meeqqat nersunarsimaqaat angajoqqaavi atlantikup illuatungaaniimmata. Taamaammat suut kalaalerpalussinnaasut assut qujarunneqartarput.

Soorlu 1954-mit niisarnat tammartajaartut Lillebælt-imut pulammata taakkulu mattaasa ilaat Kolding Fjord-imi kalaallinut peqqissartunut nassiunneqartoq, Dansk Sygeplejehistorisk Museum-imi pisortaq Inger-Marie Børgesen oqarpoq.

Saqqummersitsineq ammassaaq aqagu septemberip 20-ianni.