Qeqertarsuup Tunuani aalajangersimasumik novembarimit nakorsaqarunnaassaaq

Peqqissutsimut Naalakkersuisup paragraf 37 aqqutigalugu akissuteqaataani allaqqavoq, Qeqertarsuup tunuani aalajangersimasumik nakorsaqarunnaassasoq.
Aasianni immikkoortortaqarfimmi aalajangersimasumik nakorsaqarunnaassaaq. Assi © : Hans Ole Petrussen
Allattoq Kenneth Elkjær
septembarip 19-at 2018 17:41

Nunatsinni peqqinnissaqarfinni sulisut amigaataanerat suli ajornartorsiutaavoq, Qeqertarsuullu tunuani Aasianni immikkoortortaqarfimmi 7000-inik innuttaqartumi novembarip aallaqqaataanit aalajangersimasumik nakorsaqarunnaarpat ajornakusoortumik inissittoqassaaq.

Immikkoortortaqarfimmi nakorsat aqutsisuat, Ove Ammitzbøll aalajangersimasumik massakkut atorfeqarpoq, novembarillu aallaqqaataanit atorfeqarunnaarpat aalajangersimasumik nakorsaqarunnaassaaq.

Nunatsinni nakorsat 122-t atorfeqarput, Peqqissutsimut Naalakkersuisoq, Doris J. Jensen
Tillie Martinussenip apeqquteqaataanut taama akissuteqarpoq.

Nakorsat 33-t aalajangersimasumik atorfeqarput, 85-it qaammatini aqqaneq marlunni, kiisalu nakorsat arfineq marluk paarlattaasarfiit aqqutigalugit atorfeqartinneqarlutik.

AAMMA ATUARUK Nakorsassaaleqineq ernumassutigineqartoq

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq