Ateq: Regine Møller
Partii: Partii Naleraq
Ukiut: 28-t
Ilinniagaq/suliffik: Bachelor of Science in Business Administration fra University of Florida, suliffeqarfiit pillugit ilisimatusarnermi kandidatitut RUC-mi juunimi naammassissaaq, suliniaqatigiiffimmi Nalik-mi siulittaasoq
Inuttut inissisimaneq (ilaquttat/qitornat):
Sunngiffimmi soqutigisat: Inuttut ineriartorneq, timigissarneq aamma yoga
Folketingimut qinigaassaguit pingaarnertut sulissutigerusutatit pingasut suuppat?
Folketingimiinninni nunatsinni ineriartortitsissaanga. Suleriusissara aalajangersimasunik pingasunik aallaaveqassaaq:
Nunatsinni sulisinnaasut nunatsitsinni innuttaasunut iluaqutaassapput. Taakkulu illersussavagut, Pisuussutivut illersussavagut, suliffeqarfiit pisuussutitsinnik suliaqartut BNP-tsinnut sapinngisamik annertunerpaamik tunniussaqartillugit.
Nunatta avataaniit aningaasaleerusuttunut ammassaagut. Taamaaliornerli isumaqassanngilaq suliffissatsinnik tigooraasussat. Nunap ataqatigiinnermut attaveqarfii anigaasaqarnikkullu ingerlaavartut nunatsini innuttaasut pigissavai, taamaaliluta nunatsinnut aningaasaqarnikkut iluaqutaanissaa qulakkiissavarput.
Nunanik allanik toqqaannartumik niueqateqassaaut. Oqartussaaffiit nunatsinni aningaasarsiornikkut siuarsaataasinnaasut tigunissaat salliutissavarput - allatut oqaatigalugu: Namminersornerluni oqartussaanermik suliaq naammassisavarput.
Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?
Kalaallit inuuniarnermikkut atugarissaarnerulerusullutik amerlasuut Danmarkimut nuunniarlutik aalajangertarput. Taamaammat nunatsinni aningaasaqarniarneq pitsanngorsarusuppara nuuttartut nuuttariaqartarnerat pinaveersaartikkusullugu.
Kalaallit Danmarkimi ilinniartut qanimut attaveqarfigerusuppakka, ilinniakkaminnillu naammassinninnissaanut qulakkeerinninnissamik siunnersuuteqarfigalugit. Taamatuttaaq toqqissisimasumik nunatsinnut angerlaqqinnissaat qulakkeerlugu.
Kalaallit Danmarkimi misissortikkiartortartut suliaritikkiartortartut qanimut attaveqarfigerusuppakka, qanorlu pissutsit pitsaanerusut angusinnaanerannik siunnersortarlugit.
Folketingimut qinigaassaguit Danmarkimi ministeriunertut kina tapersersussaviuk?
Folketingimi sulininni nunatta pisariaqartitai aallutissavakka. Taamaammat nunatsinnut iluaqutaasinnaasumik suleqateqarnissara toqqassavara.