Reggaellammassuaq Katuami tusarnaartitsilersoq

Nuummi Kulturikkut illorsuarmi Katuami pingasunngorpat unnukkut reggaemik tusarnaartitsisoqartussaavoq. Nunarsuarmi reggaellammassuit ilaat Nuummut tusarnaartitsiartorluni tikissaaq.
Allattoq Peter Troelsen, Simon Uldum
maajip 21-at 2013 08:46

Tusarnaartitsisussaq tassaavoq Rocky Dawuni, taannalu nipilersortartuni pikkorilluinnartut peqatigalugit Katuami pingasunngorpat unnukkut aliikkusersuissaaq. Reggaertartoq Ghanamiu 1996-imi saqqummeqqaarpoq, taamani saqqummerseqqaagaa ”In Ghana” nuannarineqartupilussuulluni. Rocky Dawuni kingorna nunarsuarmi reggertartut siuarsimanerpaat ilagilersimavaat.

Nipilersortarfissuit tusaamasat tusarnaartitsiffigisimavai, ilaatigut Hollywood Bowl, TV-kkullu isiginnaagassianullu "Skadestuen"-imut, "Weeds"-imut aamma "Dexter"-iomut nipilersuusiorsimalluni. Aammattaaq qarasaasiatigut pinnguaatinut The Sims 2: Castaway-imut, FIFA 08-mut, FIFA 10-mut, 2010 FIFA World Cup South Africamut nipilersuusioqataasimavoq. Playing for Changemi Bono U2-meersoq aamma erinarsoqatigisimavaa.

Rocky Dawuni nipilersoqataalu 21.30 appissapput nalunaaquttallu akunneri marluk appisimaassallutik. Iserneq 100 koruuneqarpoq matullu nal. 21.00 ammarneqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq