Red Barnet tusarnaartitsinernik aaqqissuusseqqinnianngilaq

Ikiuiniaqatigiiffiup Red Barnet-ip aningaasanik katersuiniarluni aaqqissuutaanik nipilersortartut tusarnaartitsisarnerat unitsinniarneqalerpoq. Assigiinngitsunik aningaasanik amigaartoorfiusussaanngitsunik aaqqissuussisarnissaq maanna anguniarneqartussatut siunniunneqarpoq.

Rosenborgip illussaarsuata silataani siorna augustimi tusarnaartitsisoqarmat, 3,6 millioni koruunit tusarnaartitsinersuarmi aaqqissuisumut, Red Barnet-imut, amigartoorutaasimapput, tamannalu paasineqarmat, taamatut aaqqissuusseqqittoqaqqissanngitsoq oqaluuserineqalerpoq. Siorna tusarnaartitsinermi aningaasat sinneqartoorutit Kalaallit Nunaanni Danmarkimilu meeqqanut sumiginnagaasunut, (nakkutigineqarluanngitsunut) atorneqassasut siunniunneqarsimagaluarpoq.

Kattuffiup siulittaasua, Mimi Jacobsen, atuagassiamut Kristiligt Dagbladimut oqarpoq, pisoq ajuusaarnartoq, taamalu annertutigisumik amigartooruteqarnertik tamarmik tupaallaatigisimagitsik.

Mimi Jacobsenilli erseqqissaatigaa, aningaasat siorna tusarnaartitsinersuarmi isertinneqartut tamarmik meeqqanut atorneqassasut. Amigartoornerli aamma nuanniitsumik malitseqassaaq. – Amigartoorutivut peqatigiiffimmiit nammineq akilissavavut, aningaasaateqarpugut ilimaginngisamik pisunut atorsinnaasatsinnik, inuimmi katersuiniarnerni tunniuttagaat maangaannanngisaannarput, Mimi Jacobsen oqarpoq.