Red Barnet 10 millioni koruuninik pissarsivoq
Nunarsuarmi aningaasarliorneq Danmarkimi aningaasanik katersuiniarnermut aporfiunngilaq. Danmarkimi innuttaasut piumassutsiminnik aningaasanik katersuiniartut ippassaq rekordiliipput. Red Barnet sinnerlugu katersuiniartut 8.000-it matunut kasuttoqattaarlutik 10.000.000 koruuninik pissarsipput. Siornamullu naleqqiullugu 3 millioni koruuninik amerlanernik katersipput.
Allattoq Oline I. Olsen
Aningaasanilli kisitseqqissaarnerit suli ingerlanneqarput, naatsorsuigallarnerillu takutippaat 10 millioni koruunit nakkaatitsivinnut ikineqartut, Red Barnetip generalsekræteriat Mimi Jakobsen oqarpoq.
Afrikami meeqqat atuarnissaannut aningaasat atorneqassapput. Etiopiamimi meeqqat 3 millioni sinnillit atuartanngitsut atuarfiliuunniarneqarput. Aningaasallu sinneri Angolami, Ugandami Sierra Leonemilu ilinniartitaanermut suliniutinut atorneqassapput.