Rasmus Lyberth juullerpalaartitsivoq

Rasmus Lyberth Københavnimi Christians Kirkemi juullimut ukiumoortumik ippassaq tusarnaartitsimmat oqaluffik ulikkaavissimavoq.
Allattoq Carla Davidsen
decembarip 07-at 2011 07:17

Erinarsortartoq taanna anersaaqaqisoq oqaluffimmi tassani ukiut 14-inissaannik tusarnaartitsivoq. Nipilersorneq pillugu atuagassiami Gaffami allaaserineqartut naapertorlugit tusarnaartitsinerit tamarmik "allanut naleqqiussassaanngitsutut" taaneqartarput.

Rasmus Lyberthip nipilersortartuni peqatigai, tassaasut guitarertartoq, Michael Hansen, agiartartoq Jane Clark aamma nutsugiartartoq Christian Søgaard. Sermitsiaq.ag-ip nittartagaani tamanna allaaserineqarpoq.

Rasmus Lyberthip erinarsorami ernerminut nuliaminullu asanninnini ersersippai. Mongoliamiu nipilersortartoq nipilersorfimminut aamma qaqitippaa, mongoliamiullu nipilersugaannik nipilersortillugu.

Rasmus Lyberth nipilersortartuilu tusarnaartitsereeramik ersaattaalluarneqarsimasut, Sermitsiaq.ag-ip nittartagaani allaaserineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq