Rasmus Klump kalaallisut
Rasmus Klump 1952-imi saqqummeqqaarmalli danskit meerartaannit nuannarineqarluarsimavoq, nanuararlu inussiarnersoq eqarpalulaartorlu pillugu atuakkiaq nunatsinni meeqqanit aamma nuannarineqarluavissimagunarpoq.
Atuakkap kalaallisut aqqa tassaavoq Rasmus Klumpi orpiliarlu, saqqummersinneraniillu sapaatit-akunneri marluk qaangiutiinnartut naqiterneqarsimasut nungulereersut, Katti Frederiksen naqiterisitsisarfimmit Iperaq.Com-imeersoq oqaluttuarpoq.
Taassuma atuakkami inuttaasut pingaarnerit kalaalinngorsarsimavai - puisi - pelikani - papikuujuk saanilullu - kalaallisut atsersorlugit - Umilik - Piili - Kuujuk og Saaniluk - oqaluttuarineqartorlu tassaavoq Rasmus Klumpip anaanaata juulliliivissoq paasigaa risengrødiliassaminik qaqorteqqasuutaarussimalluni.
Oqaluttuarisinnaavarpulli ilungersukutsooreerlutik angerlarsimaffinnguaminni juulli annaakkaat.
Atuagaq assiliartalersugaq 32-nik qupperneqartoq nunatsinni atuagaarniarfinni suli pisiassaavoq, juullimilu tunissutigineqassappat nunguussaannginnermi tuaviortoqartariaqartoq, Katti Frederiksen kaammattuivoq.