Rasmus Klump-ip Anders And, Lucky Luke, Vakse Viggo-lu ilagilissavai
Anders And, Asterix, Lucky Luke, Vakse Viggo kiisalu meeqqat nuannarisaat allat Rasmus Klumpimik ilaqalissapput.
Naqiterivissuup, Egmontip Rasmus Klumpip tungujortumik nasaqartartup oqaluttualiarineqarneranut oqartussaaffiit pisiarisimavai, taama oqaluttuarpoq, Jan Neiiendam, Naqitserivissuarmi Egmontimi allaffissornikkut pisortaasoq, DR-p nutaarsiassaqartitsivianit apersorneqarluni.
Pisortaasup aamma oqaatigaa, siunissami aamma Rasmus Klump TV-kkut PC atorlugu pinnguaatinngortinneqarumaartoq.
- Ullumikkut meeqqat aliikkutassaqartinniarlugit ulapaarpugut. Taamaattumillu meeqqat nuannarisaat ujartorlutigit. Uanilu eqqarsaatiginngitsoorsinnaanngilarput digitale mobilellu atorlugit aliikkutassiorneq salliutinneqartariaqarmat, taama oqarpoq, Rasmus Klumpimik pinginnittuulersoq.
