Rasmus Frederiksen naalakkersuisunngorpoq

Sisimiormiu 33-nik ukiulik Rasmus Frederiksen Aalisarnermut Piniarnermullu Naalakkersuisunngorpoq, naalakkersuisunngortorlu Rasmus Frederiksen Sisimiut Kommuneanni aalisarnermut piniarnermullu siunnersortitut atorfini qimattussanngorpaa. Suliani pillugit ima oqarpoq:

– Sisimiut Kommuneanni aalisartut piniartullu assigiinngitsutigut siunnersortagaraakka, soorlu ESU-mut qinnuteqaatinut tunngasunik. Aamma Sisimiut Kommuneata aalisarnermut piniarnermullu apeqqutai inatsisinut tunngassuteqartut akisarlugit. Taamaattumik suliareriikkakka naalakkersuisunngorninni suliarisinnaavakka. Rasmus Frederiksen nassuiaavoq.

Rasmus Frederiksen politikkikkut qinigaanngikkaluarluni Siumumi ukiuni kingullerni sisamani ilaasortaasimavoq.

- Hans Enoksenip ippassaq unnukkut sianerfigimmanga eqqarsaatigilaariarlugu angerpara. Naalakkersuisunngortoq nassuiaavoq.

Aalisarnermut Piniarnermullu Pisortaqarfimmi suliassat atorfilittanik oqaloqateqaqqaartinnani oqaaseqarfigiumanngikkallarnerarpai, taamatuttaarlu suliniutigisassani immikkut oqaaseqarfigiumanngikkallarlugit.

Rasmus Frederiksen nuliaqarpoq pingasunillu meeraqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat