Ranep VM-imi aningaasanoorniutissat avaqqunniarsariniarpai

Eqquiniaanermik pinngitsuuisinnaajunnaarsimasut isikkamik arsaallutik nunarsuarmi pissartanngorniuttoqartillugu ajornartorsiuteqarsinnaammata Allorfik sisamanngormat mianersoqqussuteqarpoq. 47-nik ukiulik Rane Hendriksen ajornartorsiuteqarsinnaasunut ilaavoq. Eqquiniaanernillu pinngitsuuisinnaajunnaarsimanerminut katsorsarneqaraluarluni eqquiniaatitsisorpassuit neqeroorutaat kajungernartippai.

Kontunnut 100 ikigukku marloriaataata nalinganut eqquiniaagit. Ullumikkut kontulioruit eqquiniaanerit qulit akeqanngitsumik peqaaffigisinnaavatit. Arsaattartut sisamanngorpamit nunarsuarmi pissartanngorniuutinnginnerini internetikkut eqquiniaatitsisartunit neqeroorutit amerlapput.

- Pilerisunnartaqaaq. Taakku neqeroorutaat eqqarsaatigalugit allaat ima misiginartarluni, mobilikkummi immaqa attaviniinnaruma, Rane Hendriksen oqarpoq.

Rane Hendriksen ulluinnarni kilisaammi sulivoq. Aningaasanoorajuttuunini peqqutigalugu ilaquttani najukkanilu annaasimavai.

AAMMA ATUARUK Aningaasanoorajuttut VM-eqarnerani unammilligassaqassasut

Suligaangami aningaasanoorneq ungasillisarpaa. Nunamulli ikaaraangami sulinngiffeqarluni allanngortarpoq.

- Oddsernermut live-rnermullu piffissaq annerpaaq atortarakku.

VM-imi oddsernaveersaarniarluni oqarpoq, nalunnginnamiuk meeqqani ilaquttanilu eqqugaassasut.

VM-imi eqquiniaatitsinerpassuarnut peqataannginnissamik aamma inunnut siunnersuivoq.

- Oqimaappoq. Taamatut imminut pisarisimasuulluni qamuunakkut oqimaattorujussuuvoq. Meeqqannut ilaqutaarannguannullu taamatut sunniinerlussimagama qamuunakkut aliasuppunga.

Imminut pisareqqavunga. Artornartorujussuuvoq ajornartorsiutigaaralu. Ilaquttama eqqugaanerat ajuusaarutigeqaara.

AAMMA ATUARUK Pinnguaatinik aningaasanoornermillu pinngitsuuisinnaanngitsut amerlapput

Aningaasanoornaveersaarniaraanna VM-imut piareersarnissaq, Allorfiup siunnersuutigaa.

- Imminut eqqaasissutissaaqqanik allattuisoqarsinnaavoq: Aningaasanoorusulissaguma qanoq iliussuunga, Allorfimmi nakorsaq siunnersorti  Birgit Niclasen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat