Qulaarpaa Randi: Persuttaasartumik ukiut arfinillit aappaqarsimavunga

Aappariinnermi persuttaasarnerup unitsinnissaanut nipanngersimaannarneq qaangertariaqarparput. Randi Vestergaard Evaldsen taama isumaqarpoq, taamaammallu inuunermi oqaluttuassartaa saqqummiukkusuppaa.
Assi © : Helle Nørregaard
Allattoq Walter Turnowsky
maajip 12-at 2016 18:00
Nutserisoq Connie Fontain

Randi Vestergaard Evaldsen amerlanertigut qungujulasutut politikeritullu suliniuteqarluartutut inunnit ilisimaneqarpoq. Partiip siulittaasuattut, aningaasaqarnermut aatsitassanullu Naalakkersuisutut suliassat oqimaatsut qunusuilluni tiguai.

Persuttaasartumilli aappaqarsimanera ikittuinnaat ilisimavaat. Danmarkimi najugaqarnermini taama ittumik aappaqarsimavoq, persuttaasarnerlu ukiut arfinillit ingerlaneranni sakkortusiartuinnarsimavoq. Arnarpassuillu allat assigalugit tamanna inunnut allanut isortuussimavaa.

Aamma atuaruk Ikiortissarsiorit paasisaqarnerullutillu

Aamma atuaruk Arnat persuttarneqartut imminnut pisuutittartut

Misigisarsimasanili Qulaarpaami unnugu aallakaatinneqartussami tamanut saqqummiunniarlugu aalajanngiuppaa. Minnerunngitsumillu persuttaasartumik aappaqarnerminit qanoq aniguisimanerlugu oqaluttuarissallugu.

Taamaaliornermigullu arnat allat ammarlutik persuttaaffiusumik aappaqarnermit  aniguisinnaasut, Randip neriuutigaa. 

Qulaarpaa unnugu nal. 19.30 kalaallisut aallakaatinneqassaaq, danskisullu 20:50 aallakaatinneqassalluni.