Ramus Lyberth Danish Music Awards Folk-ip nersornaasiuttagaanik marlunnik pivoq

Erinarsortartoq Rasmus Lyberth qallunaat nipilersortartuisa erinarsortartuisalu nersornaasiuttagaannik marlunnik ippassaq unnukkut tunisippoq.
Allattoq Jaaku Lyberth
marsip 11-at 2007 17:16

Erinarsuusiaa "Asanaqigavit," Danish Music Awards Folk-ip nersornaasiuttagaanik marlunnik nersornaaserneqarpoq, kisiartaallunilu qallunaat erinarsortartui nipilersortartuisalu akornanni unnuk taanna marlunnik nersornaaserneqarluni.

"Nuanneqaaq tupannaqaaq naatsersutigisimanngikkaluarpara nersornaasigaanissara" Rasmus Lyberth nuannaaqisoq oqarpoq. "Kalaaliunera piunnaarlugu erinarsorsinnaanera erinniorsinnaanera taalliorsinnaaneralu qallunaat akuerivaat” Rasmus Lyberth oqarpoq.

Erinarsorneq pillugu nersornaasiami aappaa tassalu erinarsortarnini pillugu nersornaasiussani RasmusLyberth-ip kalaallit meerartaanut pigitillugu oqarpoq.

"Meeqqat kalaallit nunaata, ilami nunarsuatta tamarmi siunissaraat, erinarsortarninnilu isumassarsioqataasarlutik".