RAL umiarsuarnik marlunnik sanatitsivoq

Royal Arctic Line umiarsuarnik containerersuutinik marlunnik ukiut marluk qaangiuppata singitsisinnaalissaaq, taakku issittup imaani angalasussatut immikkut sanaajussapput.
Allattoq Louise M. Kleemann
februaarip 20-at 2008 09:23

Umiarsuup ”Mary Arctica”-p assinginik marlunnik sanatinniarlugu Royal Arctic Line-p Aker Yards Germany isumaqatigiissuteqarfigisimavaa, 2010-mi ukiup avinnerata aappaani aamma pingajuani tunniunneqartussanik.

Isumaqatigiissut Royal Arctic Line-mi siulersuisut siulittaasuata, Martha Labansenip, nuannaarutigaa:

-Ukiuni kingullerni nassiussat assartugassat amerliartornerat pissutigalugu umiarsuarnik immikkut attartortariaqartarsimavugut.

Umiarsuit taakku marluk sananeqartussat sikusiorsinnaassuseqarluartutut sananeqartussaapput, 113 meterinik takissuseqassapput silissuserissallugulu 22,7 meterip missaa. Umiarsuit sananeqarnerminni ilusissaat tamarmi Royal Arctic Linemit ineriartortinneqarpoq, kiisalu ”Mary Arctica”-tut umiarsualivinnut annernut tamanut talissinnaassapput, Qaqortoq aamma Ilulissat ilanngullugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq