RAL: umiarsualiveqarneq aaqqinneqapallalli
Royal Arctic Line ullumi ataatsimeersuarmat, suliffeqarfiup angusaanik piginniittut, tassalu Namminersornerullutik Oqartussat iluarisimaarinnipput. Royal Arctic Linep siulersuisuini siulittaasup Jørgen Høuyip nalunaaruteqarnermini Nuup umiarsualivikinnera uparuarpaa sulissuteqartoqarnissaalu kissaatigaat.
Danmarkimi nunatta umiarsualiveqarfissaa qaqugu naalakkersuisunit inatsisartuniillu aalajangiiffigineqassanersoq, siulittaasoq aperaaq.
Attaveqarnermullu naalakkersuisup Jens Napaattuup ukiaru aalajangiisoqarsinnaanera naatsorsuutigaa.
attaveqarnermut naalakkersuisoq siumumeersoq Jens Napaattooq oqarpoq sulisut akornanni toqqissisimajunnaarnermik inissisimasoqalernera tunngavigalugu aaqqiisoqapallannissaa kissaatigisimagaluarlugu, politikkikkullu aalajangiisoqarumanngimmat naatsortuutigaa inatsisartuni ukiaru aappagumut aningaasanut inatsit suliarineqalerpat aalajangiiffigineqassasoq naatsorsuutigaa.
Namminersornerullutik oqartussat Royal Arctic Linemik tamakkiisumik piginnittuummat sinneqartoorutinit 28 milliuuni koruuninit 14 milliuuni koruunit pissarsiarissavaat.
