Assi: Branding Greenland

RAL umiarsualiorfimmik nutaamik ujarlerpoq

Royal Arctic Line-ip umiarsuassaanik tallimanik sanaartortussanik nassaarniarneq ingerlanneqaleruttorpoq.

Umiarsuarnik sanatortussaagaluartoq Tyskland-imi umiarsuliorfik P+S Werften akiliisinnaajunnaluni matummat Royal Arctic Line umiarsualiorfimmik nutaamik ujarlertariaqalerpoq.

Royal Arctic Linep umiarsualiorfimmik nutaamik isumaqatigiissuteqarnissaa juunip qaammataata naanerani aatsaat pisinnaassasoq, Royal Arctic Line pisortaa Jens Andersen oqarpoq.

- Uanga nammineq oqarusuppunga, naatsorsuutigigakku, isumaqatigiissutinik juuni naanngitsoq atsiugaqareersimassalluta, Royal Arctic Line-p pisortanera oqarpoq.

Taanna oqaluttuarpoq, umiarsualiorfinnik tallimat - arfinilinnik mannakkorpiaq oqaloqateqaqattaarlutik, aperivarpullu umiarsualiorfiit qanoq ittut salliutinniarnerneraat.

- Umiarsualiortussarsiorluta kingullermik ujarleratta, umiarsualiorfiit oqaloqatigisavut, maanna saaffigaavut, Jens Andersen akivoq.

Kisianni tassa Royal Arctic  Line kingullermik umiarsualiortussarsiorami iluatsitsivallaanngilaq, tassami qinigaa akiliisinnaajunnaarpoq. 

- Aap, kisianni tassa umiarsualiorfik tyskit naalagaaffiannit pigineqaraluarpoq.  Umiarsualiorfillu akiliisinnaajunnaassasoq arlaata taamani siulittorsinnaasimaguniuk pikkorissimassaqaaq. Maannakkulul allatut iliorsinnaarpianngilagut, kisianni umiarsualiorfiit oqaloqatigisagut aningaasaqarnikkut inisssisimalluarnersut aningaasaqarnerallu patajaatsuunersoq misissorpagut, Royal Arctic Line-p pisortaanera Jens Andersen akivoq.

Tyskit umiarsualiorfiata akiliisinnaajunnaarluni matunerata Royal Arctic Line-mut qanoq aningaasaartuutaatiginissaa Jens Andersen-ip oqaatigisinnaannginerarpaa, taamaattorli aningaasaartuutaanissaa naatsorsuutigineqarsinnaasoq oqaatigalugu.

Umiarsuit sanaartorneqartussat naammassineqarnissaasa tungaanut, Royal Arctic Line-p umiarsuaatai maanna pigineqartut aserfallatsaalineqartarput.

Royal Arctic Linep siulersuisui marsip arfineq aappaani ataatsimiissapput. Isumaqatigiissutillu inaasarnissaaannut siulersuisunit tassani piginnaatinneqassalluni, Jens Andersenip neriuutigaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat