RAL sinneqartoorpoq
Royal Arctic Line ukioq manna sinneqartooruteqaqqippoq. Ukioq manna sinneqartoorutit skatti peereerlugu 30 mio. kr.-usut oqaatigineqarpoq.
Royal Arctic Line ukioq 2003-mi aamma sinneqartoorpoq, taamani sinneqartoorutaasut ukioq mannamut naleqqiullugit 10 mio.kr.-nik ikinnerusimapput. Ukioq manna sinneqartooruteqarneq pissuteqartinneqarpoq nassiussat amerlisimanerannik assartuinerullu aningaasartuutaannginnerusimaneranik.
Royal Arctic Linep ukioq manna assartugai siornaammut naleqqiullutik 6 %-imik amerlanerusimapput, tassani nunatsiniit Danmarkimut nassiussat, soorlu raajat, amerlisimallutik.
Nunatta iluani nassiussisarneq ukioq manna 2 % sinnerlugu appariaateqarsimavoq.
Royal Arctic Line-mi sinneqartoorutaasut 30 mio. kr.-t affaasa missaat 14 mio.kr.-usut, piginnittunut, tassalu nunatta karsianut iluanaarutaanissaat siunnersuutigineqarpoq.
