RAL sinneqartoorluarpoq
Suliffeqarfik akileraarutit akilereerlugit 73 millionit koruuninik sinneqartoorpoq, 2010-mi 29 millionit koruuninik sinneqartooreerluni.
Tusagassiuutinut nalunaarummi naatsorsuutit inerneri saqqummiunneqarput, siulersuisullu oqaatigaat, naatsorsuutit pitsaasumik angusaqarfiusut, siunissamilu aningaasaliiffissanut angisuunut piukkunnarsartoqartoq oqaatigineqarluni.
Siulersuisut oqaaseqaatiminni erseqqissarpaat, pitsaasumik angusaqarnermut patsisaasut arlaqartut, pingaartumillu Nuummi annertunerusumik sanaartortoqarnera aamma uuliamik ujaasilluni qillerinerit umiarsualivinni suliaqarnerulernermik kinguneqartut oqaatigalugit.
Umiarsuaatileqatigiiffiup namminerisaminik milliardip affaanik aningaasaateqartup siorna katillugit isertitai 897 millionit koruuniupput, agguaqatigiissillugulu 787-inik sulisoqarluni.
