RAL nunaqarfinnut nutaanik umiarsusartaarusuppoq

Royal Arctic Line-p umiarsuaarai nunaqarfinnut pajuttaatitut atorneqartartut nutarterneqarnissaannut nutaanilluunniit taarserneqarnissaannut aningaasanik 270 millionit 320 millionilluunniit akornanni aningaasaliisoqartariaqassaaq, tamanna Royal Arctic Line-p siulersuisuisa ippassaq ataatsimiinneranni saqqummiunneqarpoq.
maajip 07-at 2009 08:13

Nutarterisoqarnissaq pillugu Royal Arctic Line-p siulersuisuini siulittaasoq Martha Labansen ima oqarpoq.

- Tassa massakkut nunaqarfinnut pajuttarneq Namminersornerullutik Oqartussat sinnerlugit ingerlapparput, taavalu piaartumik nalunaarutigisariaqarsimavarput Namminersornerullutik Oqartussanut 2010 qaangerlugu suliassat tigummissagutsigit taava pisariaqarluinnartoq umiarsuaaqqat maannakkut pajuttaataasut taarserneqarnissaat.

Tassa massakkut pajuttaataasut qangarnisanngortujussuupput, taamaattumillu ilaatigut asertortarnerit pissutigalugit piffissamik atuilussinnartoqartarluni. Taamaattumik nunaqarfinnut pajuttornerup pitsaanerunissaa qulakkiissagutsigu taava umiarsuaaqqanik nutaanik sanatitsisariaqarpugut, Royal Arctic Linep siulersuisuini siulitaasoq Martha Labansen taama oqarpoq. Siulersuisuni ilaasortat siulittaasorlu siulersuisuunernut qinigaaqqipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq