RAL-ip nunaqarfinnut umiarsuaaqqat nutaat marluk inniminnerai

Royal Arctic Linep nunaqarfinnut umiarsuaaqqat tunumi kujataanilu angalasussat inniminnerpai. Umiarsuaaqqat marluk spaniamiut amutsivianut Nodosamut isumaqatigiissutigineqarput.
Allattoq Kenneth Elkjær
juulip 18-at 2018 15:30

Umiarsuaaqqat marluk ataatsimut 150 millionit koruuneqartut, Royal Arctic Line paasissutissiivoq. Suliffeqarfik taamaalilluni qaammatip ataatsip ingerlanerani umiarsuarnut nutaanut katillugu 420 millionit koruunilinnut aningaasaliivoq.

Royal Arctic Linep umiarsuaaqqat marluk nutaat Upernavimmi Uummannami angalasussat, 270 millionit koruuneqartut juunip naanerani aningaasaliiffigai.

Royal Arctic Linep umiarsuaaqqat sisamat tigugunigit nunaqarfinnut umiarsuaaqqat nutartersimasuulissapput. RAL-ip umiarsuaaqqat 1960-imeersoq 1979-imeersorlu pisoqaanerpaatut atugarai, umiarsuaaqqat sisamat nutaat 2020-mi 2021-milu atulerpata umiarsuaaqqap pisoqaanerpaartaat 2016-imeersuulissaaq.