Assi: Jonas Fievé

RAL-ip Kangaamiuni qerititsivik imaarniaraa

Royal Arctic Linep umiarsuaanik assartuummik Kangaamiunut immikkut ittumik angallassisoqalerpoq, Royal Greenlandip aalisakkeriviata qerititsivia ulikkaaqqaasup imaata ilaanik assartuiartorluni.

Qerititsiviup ulikkaaqqanera pissutigalugu aalisakkanik tunisineq tallimanngormat matuneqarpoq, tamannalu aalisartut tunisisinnaannginnerannut pakatsinarsimavoq. 

Royal Arctic Linep umiarsuaataasa ingerlaarfii naapertorlugit, umiarsuaq Kangaamiunut tikittussaq tulleq tallimangornermi sapaatip akunnerani tulliuttumi aatsaat tikitussaaluarpoq. 

Aamma atuaruk Kangaamiuni aalisartut tunisisinnaanngitsut

Royal Arctic Linelli umiarsuaaraa nunaqarfinnut angalasartoq Aqqaluk Ittuk Nuummiit ullumi aallarpoq, Kangaamiunullu aqagu tikissalluni.

Royal Arctic Linemit KNR-imut tamanna uppernarsarneqarpoq, Royal  Arctic Line-imiillu aamma uppernarsarneqarpoq Royal Greenlandilu attaveqatigiissimallutik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat