RAL-ip 2008-imi angusai siulersuisunit naammagineqanngillat

Royal Arctic Line-p siulersuisuisa suliffeqarfissuup RALip siorna 2008-imi aningaasatigut ingerlatsinera naammaginngilaat. Sinneqartoorutit 10,1 millioner koruuniupput siornaak 2007 –imi 33,4 millioner koruunit sinneqartoorutaallutik.
Allattoq Jaaku Lyberth
marsip 05-at 2009 05:37

Naatsorsuiffiup ukiup affaani nalunaaruteqartoqarnerani tamanna ilimagineqareersimavoq, siulersuisulli tamanna naammaginagu tusagassiuutinut taamak allagaqarput.

Siunissamut aningaasalersuinissaq qulakkeerniarlugu pisariaqartut eqqarsaatigalugit angusat qaffasissusaat 20 milliner koruuninit appasinnerupput.

Ingerlatsinermut aningaasartuutit qaffakkiartornerat orsussallu akiisa qaffasinnerat Ral –IP aningaasatigut ingerlatsinermik angusaasa ajornerannut pissutaatinneqarput. Suliffeqarfissuup isertitai 858 millioner koruuninut qaffapput. Aningaasat agguataarnerat imatut inississimapput Kalaallit Nunaata avataanit nunatsinnut assartuinerit 68 procentiupput, kalaallit nunaannit avammut assartuinerit 20 procentiullutik kiisalu Kalaallit Nunaata iluani assartuinerit 12 procentinik annertussuseqarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq