RAL-imi pisortap kukkusoqarsimanera nassuerutigaa
Umiarsuaatileqatigiiffiup Royal Arctic Linep pisortaata nassuerutigaa, umiarsuit nunaqarfiliartaatit nutaat angivallaarmata.
Pisortap oqarnera naapertorlugu, umiarsuit nunaqarfiliartaatit nutaannginnerusut assartuisalernissaannut Royal Arctic Line misissuivoq.
- Tamanna pillugu sussaanngilanga Royal Arctc Line-mi pisortaq Verner Hammeken umiarsuaaqqat nunaqarfiliartaatit nutaat Ivalo Arctica aamma Minik Arctica pillugit taama oqarpoq.
Umiarsuit nunaqarfiit ilaannut tininngatillugu usingiarsinnaanatillu usilersorsinnaanngillat angivallaaramik.
- Nunaqarfiit ilaasa umiarsualivii ikkappallaarput aamma silap ajorneratigut pulasariaat umiarsuarnit nutaanit angallavigiuminaapput
Tamassuma ajornartorsiutaanera ukiuni arlaqartuni ilisimaneqarsimavoq, Verner Hammekenillu oqarnera naapertorlugu , umiarsuit nutaat containerinik assartuisartut atorneqartalernissannut isumassarsinermut pissutaavoq taakkua umiarsuaaqqanut nutaannginnerusunut palletsinik assartuisartunut sanilliullugit imaqarnerusarmata, taakkualu umiarsualiviit ilaannut usililersuisarnermi usingiarneqartarnerinullu sunniuteqartussaanatik.
Taamatullu ilimagisaqarneq iluatsissimanngitsoq paasineqarpoq, Royal Arctic Linelu aaqqiissutissamik allamik nassaarniartariaqarpoq.
Umiarsuit nunaqarfiliartaatit nutaat nunaqarfinnut kiffartuussisarnerat ajornartorsiutaaginnassappat pilersaarutit allanngortittariaqassavagut,piffissarititaasut annaassassarinnginnaasorisagut annaajumanagit, Arcrtic Umiaq Line-mi pisortaq Verner Hammeken oqarpoq,.
Umiarsuaaqqat pigisavut qanoq atorneqarsinnaanersut siullermik misissussavagut kiffartuussinissaq pisussaaffipput ingerlatiinnarniarlugu.
Umiarsuit nutaat nunaqarfinnut kiffartuussisartussat qanoq ittuunissaat pillugit Royal Arctic Linemit suliarineqaleruttortut, Verner Hammeken oqarpoq.
- nunaqarfinnut assartuisartussat nutaat 2019-mi atulernissaat naatsorsuutigineqarpoq.
Umiarsuarnut nutaanut aningaasartuutit, Roayl Arctic Linep umiarsuarnut marlunnut sanatitaannnut siorna taamaatinneqartunut aningaasartuutinit matussuserneqassapput.
De nye skibe ventes i 2019, og de skal finansieres med penge, som RAL sparede ved at annullere kontrakten på to andre bygdeskibe sidste år.
