Assi: KNR/Anton Gundersen Lihn

Pisortap tullia nutaaq RAL-imi 2019-imi allanngortiterisoqangaatsiassaaq

Royal Arctic Linemi pisortat nutaanik marlunnik ilaneqarnissaat, Royal Arctic Line A/S-imi siulersuisut aalajangeqqammerpaat. Arctic Umiaq Linemi pisortaq, Aviâja Lyberth Lennert Royal Arctic Linemi pisortap tulliatut 2019-imi januaarip aallaqqaataanit atorfeqalissaaq.

Suliffeqarfiit marluk ingerlanneqarnerat aporaaffeqarnavianngitsoq, Aviâja Lyberth Lennert oqarpoq:

- Royal Arctic Linemi Arctic Umiaq Linemilu suleqatigiillutik, Sarfaq Ittuup angalasarnera isumannaartarpaat, suleqatigiinnerlu ingerlaannaassaaq, taamaattumik akisussaaffiit imminnut aporaannatik imminnut iluaqutsernissaat qularutiginngilara, Arctic Umiaq Linemi pisortaq, Royal Arctic Linemilu pisortap tulliatut ukiortaamit atorfinittussanngortoq, Aviâja Lyberth Lennert oqarpoq.

AAMMA ATUARUK Royal Arctic Linemi pisortaqarfik inerisarneqartoq

Royal Arctic Linemi siorna contanerinik assartuinermi kukkusumik niusisoqartarsimavoq. 

- Tamanna peqqissanngippat, illillu akisussaaffiit marluk tigummisussanngorpatit - tamanna kivisinnaaviuk?

- Aap, siorna taamaalinerani ajornartorsiutivut massakkut qaangereernikuuagut, massakkullu Royal Arctic Linep nukittorsarneqarnissaanut uanga inissippunga, Aviâja Lyberth Lennert oqarpoq. 

AAMMA ATUARUK RAL bestiller nye bygdeskibe for 150 millioner kroner

Naak unammillernartoqarsinnaagaluartoq umiarsuit nutaat aappaagumit atulerpata allannguisoqassaaq

- Ulluinnarni sulinitsinni unammillernartoqarsinnaavoq, umiarsuit aappaagumit tikittussat angallassisalertussaapput, nunatsinnilu Islandi ilaatigut aqqusaarlugu sapaatip akunneranut umiarsuaqartalissaaq, taamaattumik allannguisoqartussaavoq, tassanilu ataqatigiissaarisussanngussaagut, Arctic Umiaq Linemi pisortaq Royal Arctic Linemilu pisortap tulliatut ukiortaamit atornittussanngortoq, Aviâja Lyberth Lennert oqarpoq. 

Pisortaqarfik anginerusoq iliuuseqarnissamut nukissaqartitsinerussaaq, taamalu sullitatta soqutigisaannik pitsaanerpaamik qulakkeerinnissutaassaaq - taamaattumillu Royal Arctic Linep nutarterineranut atatillugu pisortanik marlunnik ilasisoqartoq, RAL-imi siulersuisuni siulittaasoq, Ulrik Blidorf nalunaaruteqarpoq.

AAMMA ATUARUK RAL-ip assartuinermi ajornartorsiutai aaqqikkiartulerunarput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat