RAL affaannarmik sinneqartoorpoq
Royal Arctic Line A/S siornamut sanilliullugu amerlanerumaartunik kaaviiaartitsigaluarluni sinneqartoorutaa affaannanngorpoq.
Allattoq Louise M. Kleemann
Tamanna assartuussisut ukiumut nalunaarutaanni atuarneqarsinnaavoq.
2006-imi akileraarutit akilereerlugit 60 mio koruuningajalluinnaat Royal Arctic Line A/S-ip sinneqartoorutigaat, 2007-imi 23 mio. koruuninik sinneqartoorluni.
Sulisut 100-ujungajalluinarnik amerleriarput. Siulersuisut naammagisimarinnittut piginnittuminnut , tassa Namminersornerullutik Oqartussanut, millioninik arfinilinnik agguagarsiipput. Kaaviiaartitat 2007-imi 800 mio. koruunit pallimavaat.