Jerusalemimi 2017-imili aatsaat taama eqqissiviilliortoqartigaaq.Assi: Mahmoud Khatab/AFP/Ritzau Scanpix

Raketsit Gazamut igeriunneqareersullu ikinnerpaamik 20-t toqutaasut

Gazami inuit 20-t toqutaasut, meeqqat qulingiluat toqutaasunut ilaallutik, Israelimiut peqqinnissamut naalakkersuisoqarfia Haaretzimut ilisimatitsivoq. Allat 65-t aqqunartiterput.

Israelimiut Palæstiinamiunut akiniaallutik Gazamut saassussimmata palæstiinamiut 20-nit ikinnerunngitsut ippassaq ataasinngornermi unnukkut toqutaapput. Meeqqat qulingiluat toqutaasunut ilaapput.

65-it allat aqqunartiterput.

Raketit 30-nit ikinnerunngitsut Gazamit Israelimut igeriunneqareersullu Israelimiut akiniaapput.

Gazami aqutsisut Hamas Israelimut saassussinermut akisussaanerarput.

Hamasip Israelimik saassussinermigut piffissaliussamik qaangiisoq, Israelip ministeriunera Benjamin Netenyahu oqarpoq, tamannalu sakkortuumik akiniarneqarumartoq oqaatigalugu.

Raketit Gazamit ippassaq igeriunneqartut nunatsinni ippassaq ualikkut nalunaaqutaq ataatsip qaangilaaraa igeriunneqarput. Israelip muslimit qinusarfiata Al-Aqsa-moskép eqqaani sakkutuuisa tunuartinneqarnissaannut taanna piffissaliussaavoq, qaangerneqarmallu raketit Gazamit Israelimut igeriunneqalerlutik.

AAMMA ATUARUK Jerusalemimi aporaattoqarnerani inuppassuit aqqunartitertut

Raketinik Israelimut igeriussinermi toqutaasoqanngitsoq oqaatigineqarpoq. Inuk ataaseq aqqunartitersimavoq, illorlu ataaseq aseruatiterluni. Israelimi tusagassiorfiit taama allaaserisaqarput.

Israelip Hamasillu akornanni qaammatini kingullerni aporaannerit aatsaat taama sakkortutigipput.

Jerusalemimi pissutsit tallimanngormalli najummassimanarsimapput, Israelimiummi politiivisa Palæstiinamiullu akornanni aporaattoqalermat.

Jerusalemimi 2017-imili aatsaat taama eqqissiviilliortoqartigaaq.

Palæstiinamiut inoqutigiit Jerusalemip kangiani illoqarfiup immikkoortuani Sheikh Jarrah-mi najukkaminnit anisitaanissaat Israelip piumasaraa, Palæstiinamiullu kingorna eqqissiviilliortitsilerlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat