Radon qanoq annertutigissanersoq killiligaanngilaq
Illu najugaqarfik nunap iluanit Radon –imik mingutsinneqarsinnaanera navianaateqarpat, taava puakkut kræfteqassutaalersinnaavoq, taamaattumik isumaqarpunga Kalaallit Nunaani siunissami sanaartugassat eqqarsaatigalugit politikikkikkut aalingikkamik inatsisiliortoqartariaqartoq, taama oqarpoq Asiami ingeniøri Dorthe Petersen, nunatsinni radon –eqarneranik misissuinermi ataqatigiissaarisoq.
Ilumut, Kalaallit Nunaani qanoq Radon –eqartiginissamik pisortatigoortumik killiliisoqarnikuunngilaq aamma nunani allani ilisimasat assigiinngilaartunik nalilersorneqartarput, tassani pineqarluni killissarititaasup isumaqatigiissutigineqarsimannginnera, Dorthe Petersen aallarniilluni taama nassuiaavoq.
Assersuutigalugu Nunani Avannarlerni Radon –imik uttuinermi 200 Bq kubik meter-mut angusimappagu, tassa radon –mik uttuut atorneqartartoq, taava piumasaqaataasarpoq radon –ip qaffasissusia millisarniarlugu qano´iliuuseqartoqassasoq.
Aamma 400 Bq kubik meterimut qaangerneqarsimappat taava silaannarissarfiliinikkut qaffasissuseq millisinniarneqassaaq.
Namminersornerullutik Oqartussani Ineqarnermi Pisortaqarfik nalunaarusiami inanneqarpoq, nalunaarusiaq maluginiarneqarluassasoq aammalu qano´iliuuseqartoqarnissaanik inassuteqartoqarpoq, taama inassuteqarnerup qanoq paasisariaqarneranik Dorthe Petersen aperigakku, akivoq.
Ullumikkut pissutsit taama isikkoqartillugit nunatsinni Radon –eqaranik illersuutaasinnaasumik inatsiseqanngitsoq. Taamaattumik nalunaarsiap paasissutissiissutaatigut nalorninarunnaarpoq Radon –ip inatsisiliunneqartariaqarnera. Assersuutigalugu oqartoqarsinnaavoq, Kalaallit Nunaani Radon –eqarfiusinnaasuni sanaartortoqassappat taava eqqumaffiginissaa piumasaqaataalluni inatsisitigut allassimassasoq, taama naggasiivoq Dorthe Petersen, Asiami ingeniøri nunatsinnilu Radon –eqarneranik misissuinermi ataqatigiissaarisoq.
Kujataani illoqarfinni Nanortalimmi, Qaqortumi Narsamilu radon –eqarnerulernissaq naviaateqarpoq. Assersuutigalugu Narsami uuttukkat kubik meter-mut 200 Bq –mik (Bækarel –mik) uttorneqarsimapput.
