Radiokæde sarfaaruttoorfiuvoq

Tele Post misileeqqilerpoq radiomut sakkortusaavik TREF Nanortallup avannaaniittoq angoriassallugu. Sakkortussaavik taanna sarfaaruttoorsimavoq taamalu ullumimiit Nanortalik tassanngaannillu kujammut radiokkut oqarasuaatikkullu attaveerussinnaallutik.
januaarip 03-at 2012 07:42

Tele Postimi sulisut ippassaq pingasoriarlutik TREF angoriaqattaaraluarpaat silarlunnerali pissutigalugu angunngitsoorlugu

Maannali sila pitsaanerulaalersimammat neriuutigineqarpoq ullumikkut anguneqarsinnaassasoq, Tele Post ullaaq manna KNR-imut taama nalunaarpoq.

Silamik ilimasaarutip takutippaa ullumi sakkortusaaveqarfimmut missinnaaneq sivikitsumik periarfissaqarsinnaajumaartoq. Tamanna iluatsinngippat imaassinnaavoq attaviit kipisut, taamaattoqassappallu tamatuma kingorna Nanortallip eqqaa oqarasuaatit nalinginnaasut kisiisa atorlugit attaveqarfiusinnaassasoq TELE-POST nalunaarpoq.

Attaveerussinnaanerup tamatuma, Simiutap kujataanut isumannaallisaanikkut attaveqarneq tamaat aamma eqqussagaa TELE-POST-ip nalunaarutigaa.