Radiokkut TV-kkullu qineqqusaarnerit kingulliit

Kommuninngortussani sisamani kikkut aqutsisunngussanersut marlunngorpat apriilip ulluisa arfineq-pingajuanni qinersinissaq sioqqullugu ullumi sapaammi aqagulu ataasinngornermi naggataarutaasumik qineqqusaartoqarnerani immaqa paasinarsisinnaassaaq.
apriilip 05-at 2008 14:00

Taamaammat Kalaallit Nunaata sineriassuani illoqarfinniit nunaqarfinniillu qineqqusaartut oqallinnerat Radiokkut TV-kkullu toqqaannartumik sapaatip akunnerata uuma naanerani aallakaatinneqassaaq, qineqqusaartut qinersisartunut imminnut ilisaritissallutik.

Nuummi qineqqusaarneq kalaallisut ingerlanneqartoq nalunaaqutaq marlunut aallartissaaq, taanna KNR-TV-kkut Radio-kkullu toqqaannartumik maannakkorpiaq aallakaatinneqassaaq.

Qallunaatut qineqqusaarneq nalunaaqutaq tallimanut tanneq qulingiluat, tassa 16.45, aallartissaaq, taannalu aamma Radio-kkut TV-kkullu aallakaatinneqassalluni.

Partiit kalaallisut naggammik apeqqarissaarfigineqarnerat aqagu sapaammi unnukkut nalunaaqutaq arfineq-pingasunut, 20.00, KNR-TV-kkut aallakaatinneqassaaq.

Qallunaatullu apeqqarissaarneq unnukkut qulingiluat qaangerlugu tanneq pingasunut, 21.15, pissalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq