Radiokkut attaveqaatit Sisimiuni, Kangerlussuarmi nunaqarfinnilu attaveeruttaqattaarput
Erik C. Nielsen Sisimiuni najugaqarpoq pisullu qatsuppai:
- Aningaaseriviit Tele-lu quiagineqarpallaarunanngillat.
Taanna akiligassaminik akiliisinnaanngikkallarpoq, Dankorteqaraluarlunilu nerisassarsiarami assut pisariusimanerarpaa. Akiliut-aatillit arlalissuit takusimasani niuerniarsinnaanngitsut ernumaginerarpai.
- Pinse-kkunni pisiniartoqarsinnaanavianngilaq, inuillu Akiliut-aatillit aningaasarsiaminnillu aningaaserivinniittuutillit aningaasanik aallerfissaqanngillat, taakku atugaat pitsaanavianngillat, Erik C. Nielsen oqarpoq.
Tele-mi ukiuni 30-ni sulisimavoq, ilaatigullu radiokkut attaveqaatinik suliaqartarsimalluni. Suliffikuni maannakkut quiagivallaanngilaa, pingaartumik silap ajornera pissutigalugu ippassaq iluarsaassiartortitsilluni aallartitsisinnaasimanngimmat.
- Neriuppunga Tele uparuarneqarumaartoq, illoqarfiup taama angitigisup matuneqarsinnaanera akuerineqarsinnaanngilaq, quiananngilluinnarpoq, Erik C. Nielsen.