Radiokkut TV-kullu aallakaatitsisarneq pillugu Inatsisartut Peqqussutissaattut siunnersuut, Peqqussummut nutaanngitsumut naleqqiulluni arlalinnik nutaartalik, Inatsisartuni ullumi oqaluuserineqalissaaq.
Peqqussutissami aalajangersakkatut nutaatut siunnersuutigineqarpoq Naalakkersuisut aamma KNR anguniagassat pillugit ukiut sisamakkaarlugit isumaqatigiissusiortalissasut.
Radio TV-lu pillugit ataatsimiititaliamik nutaamik pingasunik inuttaqartussamik pilersitsisoqarnissaa Naalakkersuisunit aamma siunnersuutigineqarpoq. Oqaluuserisassaq assigiinngitsorpassuarnut tusarniaassutigineqareerpoq.