Aqagumiit tassa aggustip aallaqqaataaniit radioaviisi ulluinnarni ullormut pingasoriaannarlugu tusarliunneqartalissaaq. Weekendtinilu aggustimi danskisut radio aviiseqartassanngilaq.
Tamanna KNR-ip siulersuisuisa aaqqitaraat, tamanna pillugu KNR-p pisortaa Lars Sandgreen oqaloqatigaarput.
- Sulisunik danskinik amigaateqarneq pissutigalugu aggustimi radioaviisi allannguuteqartittariaqarsimavarput, Lars Lennert Sandgreen oqarpoq.
Taanna aperaarput, sooq sulisunik ukiup affaa sioqqulluguli pissarsiortoqarsimannginnersoq.
- Danskit sulisut kingullertigut taarseraassimapput, arlallit soraarput, oqarpoq.
Lars Lennert Sandgreenili erseqqissaavoq tamanna ukiamut iluarsineqaqqikkumaartoq.