Raajat tunisat amerleriarsimapput

Nunatsinni aalisarneq ingerlalluartuarsinnarpoq. Kisitsisit naatsorsueqqissaartarfimmeersut tamanna takutippaa.
Raajarpassuit ukioq manna tunisaasimapput. Assi © : Håkan Dahlström/Flickr Creative Commons
Allattoq Karsten Sommer
aggustip 22-at 2019 14:12
Nutserisoq Mads Lynge

Raajat qalerallillu ukioq manna qaammatini siullerni arfineq-marlunni tunisat, siorna piffissap taamaalineranut naleqqiullugit amerleriarsimasut, kisitsisit Kalaallit Nunaata Naatsorsueqqisaartarfianeersut takutippaat.

Pingaartumik raajat tunisaanerulersimapput, ukiuni kingullerni tunisanut naleqqiullugit amerleriarsimallutik. 30.000 tonsingajaat ukioq manna qaammatini siullerni arfineq-marlunni tunisaasimapput.

Qaleralinnik tunisaqarneq aamma siuarialaarpoq, naak ukioq manna qaammatini siullerni arfineq-marlunni tunisat 17.000 tonist missaanniittut 2016-imut naleqqiullugit ikinnerulaaraluartut.

Saarulliilli tunineqartut ataatsimut isigalugit ikiliartortut kisitsisit aamma takutippaat, saarulliit ukioq manna qaammatini siullerni arfineq-marlunni siullerni 15.000 tonsingajaallutik, Kalaalllit Nunaata Naatsorsueqqissaartarfia taama allaaserisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq