Raajat Royal Greenlandimeersut akunnagaat

Raajat Kalaallit Nunaanni Royal Greenlandimeersut akunnattuinnarmik nalilerneqarput. Raajat marloriarlugit misileraaffigineqarnerat atuisut atuagassiaannit, tyskinit pigineqartumit, SW-mit, ingerlanneqarsimavoq.

Marloqiusamik misissuinerit tassaasimapput, siullermik; raaja qanoq illinnartiginersoq, aamma raajap avatangiisiminit qanoq sunnerneqartarnera, pinngortitami pissuseqatigiinnera sulisullu suliffimminni atugarisaat misissorneqarsimallutik.

Raajat Royal Greenlandimeersut taakku pillugit arlaannaanilluunniit nalilerluarneqanngilaq.

Royal Greenlandimi tuniniaanermi pisortap, Morten Sanderip, nalilernerlunneqarnertik ajuusaarutigaa. Suliffeqarfissuarmummi Tyskland pingaaruteqaqaaq.

Morten Sanderilli tuppallersaatigaa, raajat Royal Greenlandimeersut misiliinermi ajugaammata. Kisianni atermikkut. Misiliineq taanna niuertarfiit ataatsit pigisaanni arlariiaani nammineq ilisarnaat atorlugu misileraanerusimavoq. Raajalli poortukkat iluanniittut Kalaallit Nunaanninngaaneersuusimasut, tuniniaanermi pisortaq oqarpoq.