Raajat akiinik isumaqatiginninniarneq sapaatip akunnerini marlunni ingerlareerpoq

Royal Greenlandip KNAPK-llu raajat akii pillugit isumaqatigiinnginnerat sapaatip-akunnerini marlunni maanna ingerlareerpoq.

Tassa raajanik sapaatip-akunnerini marlunni tunisisoqarsimanngereerpoq.

Isumatigiinnialli nikeriaqqinngillat.

Royal Greenland 208 millioni koruunit nalinginut ukiumut pisisarumavoq, aalisartulli piumasaraat 215 millioni koruunit nalinginut pisisassasoq.

Aalisartut piumasaqaatertik aalajangiusimavaat. Ilulissani aalisakkerisut untritilinnit amerlanerit raajat akiisa isumaqatigiissutigineqarsinnaannginnerat pissutigalugu sapaatip-akunneri marluk taakku ingerlaneranni suliassaqarsimanngillat, raajaleriffinnilu allani qerititsiviit imaarulluinnalerput.

KNAPK politikerinut ullut taakku ingerlanerini saaffiginnittaraluarpoq, naalakkersuisut akuliunnissaat kissaatigalugu.

Raajarniat aningaasassaat nunatta karsianit politikerit nassaariniassaneraat maanna apeqqutaalluinnalerpoq.