Raajarniarnermi toqqammavissanik suliaqartoq

Ungasinnerusoq eqqarsaatigalugu raajaniartarnerup pilersaarusiorneqarsinnaanera pisinnalersinniarlugu siullerpaamik nunatsinni malitassaasinnaasunik aningaasaqarneq pillugu ilinniarnerminnut atatillugu suliaqarsimasunik saqqummiisoqarpoq.

- Naalakkersuisut soqutigisaqatigiinnut pituttorsimannginnerullutik raajanik aalisarnerup qanoq ingerlaneranik suliffissuillu qanoq ingerlatsineranik misissuisinnaalissasut, raajanik aalisartarneq pillugu malitassamik sanaqataasoq Hilmar Ógmundson oqarpoq,

Aalisarnermik pisortaqarfimmi pisortaq Amalie Jessen oqarpoq kisitseriaaseq taanna Namminersornerullutik oqartussat atorluarsinnaagaat.

-Tass sakkussaalluarpoq aalisartitsinermut pilersaarusiornermi, inuiaqatigiit akornanni imaluunniit avataasiutillit iluanni imaluunniit aalisartoq ataaseq angallatitaarniaruni, qassinik raajartassaqarnerluni paaseriarlugu, taava raajat qanoq akeqarneri assigiinngitsullu paasissutissat pissarsiareriarlugit taava takuneqarsinnaanngussaaq imminut akilersinnaassanersoq.

Aamma tunisassiorfimmik pilersitsisoqassappat taanna qanoq isikkoqassanersoq takuneqarsinnaassaaq. Naatsorsueriaaseq taanna aalisakkanut qalerualinnullu allanut atorneqarsinnaasoq. Amalie Jessen-ip oqaatigaa. Aamma ilanngullugu oqarpoq ilisimatusartut allat kisitseriaaseq taanna atorluarsinnaagaat. Pisortaqarfiup taasuma atulernissaa isumalluarfigaat.