Raajaannaanngitsut aalisakkat tamat tuneqqujunnaarpaat

Royal Greenlandip fabrikkiinut raajanik tunisiumajunnaarneq suli atuuppoq, 215 mio koruunit KNAPK-p piumasani angutserpai. Royal Greenland uteriiserluni tamaallaat 208 mio koruuninik ukiumut atuimavoq. Maanna KNAPK-p ilaasortani piumaffigai aalisakkanik sunilluunniit Royal Greenlandip fabrikkiinut tunisiumajunnaasasut.

Taama piumasaqarneq aalisartut ilaannit isumaqatigineqanngilaq. Ove Rosbach Ilulissani 40 fodsimik sisamanillu inuttalimmik aalisariutaatilik, piumasaqaammut peqataajumanngilaq.

- Ajoraluartumik uanga tassa taanna isumaqatiginngilara piareersimannginnatta taamatut aalisarumajunnaarnissamut. Tassani uangaannaanngitsoq aammali inuttakka eqqorneqartussaapput, Ove Rosbach oqarpoq.

Ullumikkut pissutsit taama isikkoqartillugit aningaasanik annaasaqarunik taarsiiffigitissinnaannginnertik

Ove Rosbachip erseqqissarp

-Allamik inuussutissarsiutissaqanngilagut aamma Royal Greenland kisiartaavoq tunitsivittut. Taamaattumik uniinnassagaanni periarfissaqanngilaq ikiorneqarnissamut.

Ove Rosbach qaleralinniartuusoq, qaleralittani Royal Greenlanfd-imut tunisarpai. Maannalu Ilulissani aalisartut KNAPK-p siulersuisuunerisa inassutaat naalassappassuk nammineq ilaajumani unnerpoq.

Peter Olsen Ilulissani KNAPP-p siulittaasua oqarpoq, nammineq nangaanani piumasaqaat naapertorlugu iliuuseqarnissamut, kisianni aalisartut namminneq apeqqutaasut ualimullu tallimanut tamanna pillugu ataatsimiissasut.