Qussummi kuulteqarfimmit qillerileruttorput

Aatsitassarsioqatigiiffik Nuna Minerals, qanittukkut Københavnimi aktianik tuniniaalersoq, maanna Nuup Kangerluani Qussummi kuulteqarfimmik kanngussaqarfimmillu qillerileruttorpoq.
juunip 30-at 2008 07:44

Qilleriffigisaat Nuup avannaata kangiani 60 kilometerinik ungasissusilimmi, nunap ilaani 20 kilometerinik isorartussusilimmiippoq, kuulteqarnissaanik kanngussaqarnissaanillu ilimanaateqarluartumiilluni. Qillerinerit kingulliit kuulteqarnera uppernarsarpaat.

- Maannamut sisamariarluta qillerereerpugut. Qilleriffitsinni 60 meterit missaannik itissusilimmi kuulti takussaavoq. Qillerinernillu siullerneersunit misissueqqissaarnerit siulliit juulip naanerata missaani piareernissaat naatsorsutigigitsik aatsitassarsioqatigiiffik nalunaarummini allappoq.

Misissuiffigineqartumi 20 kilometerisut takissusilimmi qilleriviit tallimat misissuiffigeqqissaarneqassasut, aatsitassarsioqatigiiffiup ilisimatitsissutigaa.