Qunutitsiniat nunarpullu

Qunutitsilluni saassussisaqattaarnermut Danmarkimi sillimaniarneq Kalaallit Nunaanni aamma atuuttariaqaraluarpoq.

Taama isumaqarpoq, Siumut sinnerlugu Folketingimi ilaasortaq, Lars-Emil Johansen.

Danskit ministeriunerat Lars-Emil Johansenip ippassaq piumasaqarfigaa, sillimaniarneq Kalaalliit Nunaannut aamma atuuttariaqartoq.

Qunutitsisarneq pinngitsoortinniarlugu Danmarkimi Naalakkersuisut ataatsimiititaliorput. Kisianni Kalaallit Nunaata Savalimmiullu sillimaniarnissaat ataatsimiititaliap suliaani ilaassanersut ministeriunerup ilisimagunanngilaa. Anders Fogh Rasmussenip ippassaq akissutaani tamanna erserpoq:

Qunutitsiniartarneq akiorniarlugu suliniaqatigiit ingerlanneqarput, Namminersornerullutillu oqartussat suliap ingerlanneqarneranut atatillugu ilisimatinneqartussaapput. Qunutitsiniarneq akiorniarlugu suliniaqatigiit nalunaarusiaat utaqqineqarpoq, takkuteriarpallu innersuussutaasut kalaallit nunaannut savalimmiunulluunniit tunngassuteqartoqassanersoq ilisimanngilara, Anders Fogh Rasmussen oqarpoq.