Qungasersuut aavisa naqitsineri misissorneqalerput

Qungasersuut qungasikkaajunerat pissutaalluni aavisa naqitsineri qaffasissupilussuupput. Ilisimatuup Ulrik Bundrupip inuup aavisa naqitsinerinik ilisimatusarnermini qungasersuut paasiniaavigai. Qungasersuup aavata naqitsinera 300 missaaniittoq inuup aavata naqitsinera 120-miippoq.

Qungasersuup naqitsineq timiminut naleqqersuuttarsimagunaraa, Ulrik Bundrupip nassuiaatigaa:

- Timiminut qanoq naleqqersuuttarneraa paasiniarparput. Maannangaaq nalunngisavut annikikkaluarput, paasisinnaanngisagullu amerlaqaat. Paasisaqarnerulerutta inuit aavisa naqitsinerisa qaffasippallaarnerisa nakorsarneri ajornannginnerulissasoq kissaatigaarput.

Ulrik Bundrupip neriuutigaa, paasisaqarnerulernermi inuup aavata qaffasippallarneranut nakorsaatinik ineriartortitsinermut aqqutissiuisinnaasut.