Qungasequtaasat eqqissisimanngissutigaat
Nannut pissusaat nikittarnerilu qaammataasakkut malinnaavigisinnaajumallugit qungasequtaasanik biologit ikkussuiffigimmatigik, tamanna nannut eqqissisimanngissutigigaat canadamiut inuit ernumassutigimmassuk, biologit maanna iliuuseqarnialerput.
Aviisimi CBC Newsimi taama allaaserinnittoqarpoq.
Allattoq Louise M. Kleemann
Uumasut nujuartat pissusaasa nikittarnerisalu pitsaanerusumik nakkutigilernissaat Nunavummi biologit anguniarnialerpaat.
- Pitsaanerpaaq anguniarlugu atortunik atorsinnaasatsinnik nassaarsinnaalluta nalunngilarput, Nunavummi biologi, Elisabeth Peacock, oqarpoq. Taassuma neriorsuutigaa atortut nutaat Nunavummi Foxe Bassinimi nannunut ikkullugit ukioq manna kingusinnerusukkut misiligarneqarumaartut.