Qummoroortitsinerit ilaat siusinnerusukkut assilisaapput

Kina-miut OL-p ammaanersiorneqarneranut aaqqissuisut qummoroortartut qaanngitsooratarsinnaanerat eqqarsaatigereersimavaat. Aaqqissuisullu maanna nassuerutigisimavaat qummoroortinneqartut kusanangaartorsuit siusinnerusukkulli assilisaasut. Ilumoortumilli qummoroortartuunerat aalajangiusimavaat, Beijingili illoqarfissaarsuummat taamalu suliffissuit biilillu pujuat eqqarsaatigalugit qummoroortartut iluamik erseqqaarilluarniassammata ammaanersiornermi qummoroortinneqartutut takutinneqartut ilaat siusinnerusukkulli assilisaareersimapput.

- Taamaaliorpugullu ilaatigut pissutigalugu tupinnartuliorumalluta, Beijingimi OL-ertoqarneranut præsidentimut tulliusoq taama tusagassiorfimmut Reutersimut oqarpoq.

Ammaanersiornersuaq tupinnaqisoq inunnit milliartit sinnilinnit akunnerni sisamani malinnaavigineqarpoq.