Nuuk 2015Assi: Abel Berthelsen

Qummoroortartut akii qummuinnaq ingerlapput

Qummoroortartut ukiormanna qummoroortinneqartussat akisunerujussuussapput. Qummoroortartunut akitsuutit siullermeersumik politikerinit atuutilersinneqarput, tamannalu malugissavarput, nunatsinni niuertarfiit anginerit pingasut taama isumaqarput.

Qummoroortartut, heksehylit qaartartullu ukiutoqarsiutit nutaamik akitsuuserneqarnissaannut Pisiffik angumersilluni aviisinut neqeroorutinut ilanngussivoq.

- Akitsuutip qaffanneqarnissaa ilisimavarput tamannalu ukiormanna malugisussaagipput aamma nalunngilarput  taamaattumik neqeroorutit saqqummersinneqarnissaannut tamanna piareersimaffigisimallutigu, Pisiffimmi tuniniaanermut pisortaq, Niels Andersen KNR-imut oqarpoq.

Aamma atuaruk Upernaviup Uummannallu nunaqarfii nutaanngitsuinnarnik qummoroortartoqassapput

Nioqqutissat tuniniarneqartussat ilanngarterlugit Pisiffimmi ukiutoqartinnagu ulapputtoqarpoq. Qummoroortartullu tuniniarneqartussat tallimararterutaannik ikinnerusunik pisisoqarluni. 

- Inniminnikkatta ikilisinneqarnissaannut angumersivugut. Inniminnikkavut 20 procentinik ikinnerulersillugit, Niels Andersen oqarpoq.

Nunatta karsianut akitsuutit nutaat qummoroorartut tuniniarneqarnerinut ukioq manna ilanngunneqartussaapput, taamaattumik qummoroortartut  ukiutoqqap unnukkuani qummoroortinneqartussat ikinnerussagunarput.

- Qularutiginagu oqaatigisinnaavara qumoroortartut akisunerulingaatsiarnerat tamatumunnga pissutaammat. Ilaqutariit qummoroortartunik arlalinnik nalinginnaasunik pisisaraluartut taakkua affaannik ikinnerusunilluuniit pisinissaat takorloorsinnaavara, Pisiffimmi tuniniaanermut pisortaq, Niels Andersen oqarpoq.

Brugsenimi tuniniaaneq eqqissisimasumik ingerlavoq

Niuertarfiit allat assigalugit Brugseni qummoroortartunik tuniniaanini ullut sisamat matuma siorna aallartippai.

- Tuniniaaneq sapaatiummat aallartimmat eqqissisimasumik ingerlavoq - uippakajaartoqanngilaq soorlu ukiut siuliini taamaattartut, tassuuna takutinneqarpoq, qummoroortartut akitsuuserneqarsimanerat.

- Qummoroortartut ukioq manna akisunerulerput piffissaq kingulleq atorlugu akit allanngortippagut, Kalaallit Nunaanni Brugsenimi pisortaq, Susanne Christensen KNR-imut oqarpoq.   

Pilersuisumi pissangapput

Pilersuisup pisiniarfiini qummoroortartut akitsorsimanerat qanoq malugineqassanersoq pissanngatigineqarpoq.

- Qummoroortartut akiinut nutaanut pisisartutta qisuariarnissaannut pissangalaarpugut -  aningaasat qummoroortartunut atortakkatik  atuinnaassaneraat imaluunniit taakkua sipaarlugit allanut atussaneraat, Pilersuisup pisiniarfiini pisortaq, Finn Fabricius taama KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat