Qummoroortartoq ikuallassutaasimassangatinneqarpoq
Alluitsup Paani oqaluffiup ataasinngornermi decembarip ulluisa 31-anni ikuallannera qummoroortartumit aallartinneqarsimanissaa ilimagineqarpoq.
Allattoq Najaaraq Egede
Siullermik ilimagineqarsimagaluarpoq kallerup inneranut aqqutit ajoquteqalernerat ikuallannermut aallartissutaasimassasut, taamatut pisunik nalunnginnittoq AG-mut oqarpoq.
Oqaluffik 1926-mi sananeqarsimasoq ukiutoqqami unnukkut nalunaaquttap akunnerata ataatsip ingerlanerinnaani nunguilluni ikuallappoq. Toqqaviinnanngorluni.
Alluitsup Paa 370-it missaanniittunik inoqarpoq, nutaamillu oqaluffittaarnissap tungaanut atuarfiup igasarfiani naalagiartoqartassaaq.