Qulutannguaq Kleist suli ujaarineqarpoq
Sisimiuni pinerluuteqarsimasunut isertitsivimmiit tallimangornerup unnukkuani qimaasoq, 26-nik ukiulik Qulutannguaq Kleist Sisimiuni politiit suli ujaaraat.
Allattoq Apollo Jeremiassen
26-nik ukiullip erngunnerup nalaani unataasimasutut pasineqarluni februarip 26-ani ulluni 20-ni inissiisarfimmiittussanngortinneqarpoq.
Unnukkullu nalunaaqutaq quligiluat qaangilaaginnaraat isertitsivimmiit tusagassiutinut nalunaarutigineqarpoq 26-nik ukiulik allamik peqateqarluni isertitsivimmiit qimaasimasoq.
Pineqartut radioavis-ikkut ujaarineqarput, qimaasimasullu aappaa nammineerluni arfininngornerup ingerlanerani uterpoq.
Tassalu suli Sisimiuni politiit ujaaraat 26-nik ukiulik Qulutannguaq Kleist.
Taamak paasissutissiivoq Sisimiuni politeeqarfimmiit Johan Davidsen.