Qullugiaq immikkuullarilluinnartoq
Maannakkumut ilisimaneqarani qangarsuaq uumasuusimasoq, qullugiaq ukiunik 520 millioninik pisoqaassusilik, Statens Naturhistorisk Museumimi aamma Yale Universitetimi ilisimatuunit allaaserineqaqqammerpoq. Qullugiaq ujarannguussimasoq Kalaallit Nunaanneersuuvoq, tassa nunatta avannaarsuani Sirius Passetimeerluni.
Allattoq Gedion Storch
juulip 07-at 2011 08:19
Nassaaq immikkuullarissuuvoq, tassa qullugissat ujarannguussimasut qaqutiguinnaq nassaarineqartarmata, tassa qaleruaqanngimmata allatulluunnit manngaluttunik ujaranngortitsisinnaanatik.
Nassaarineqartut aqqutigalugit qullugissat taakkulu ilaqutaasa piffissap ingerlanerani qanoq ineriartorsimanerat taamaalilluni ilisimaneqalersinnaanngussaaq.
Qullugiaq taanna, ukiunik 520 millioninik pisoqaassusilik, immikkuullarilluinnarpoq, tassa siornatigut nassaajusartunut sanilliullugu immikkuualuttortai qullugissatut "mutitut" takuneqarsinnaagamik.
Taamaalilluni qullugissap isuatungaani cellet atorlugit uumasunut navianartunut mianersoqqussutitut atorneqarsinnaavoq.
