Qullissani saliinissarsuaq

Avannaani seqinersuup kaaviinnaleruttorfiani, Qullissarmiuusimasut Qullissani katerinnissaat Juulip qaammataata qiteqqunnerani pissaaq, katerinnissamilu saliinersuaqassamaartoq Ilulissani Qullissat ikinngutaasa siulittaasuat Nikolaj Gabrielsen oqarpoq.

- Qullissanut pigutta, peqatigiiffiit allat peqatigalugit suliassartai misissortussaavagut. Illut aseqqukut, ajunngitsortaalu misissussavagut. Illut sissamiittut iluarsaatereernikut malissuup aserornikuusai amerlaqaat, nutaanillu aaqqissuisariaqalerluta, Nikolaj Gabrielsen oqarpoq nangillunilu;- Siulersuisut siulerisagut, aaqqissuussinissarsuaq eqqarsaatigalugu peqatigiiffiit assigiinngitsunut, soorlu namminersornerullutik oqartussanut kommuninullu aningaasanik qinnuteqaqattaarnikuupput.

Aamma takornariaqarneq eqqarsaatigalugu, takornariartitsiviit illunik takornarianit orninneqarsinnaasunik soqutiginnipput. Maannakkut saliinissamut illut ilaat aseruissimasut isaterneqanngikkunik ikuallatsiterneqassapput.

Taama oqarpoq, Ilulissani Qullissat ikinngutaani siulittaasoq Nikolaj Gabrielsen.Qullissani katerittoqarnerani isumasioqatigiittoqassasoq aamma oqaatigineqarpoq.Takornariat Qullissanut aallartinneqartalerpata, Qullissat ikinngutaat suleqataasinnaasut aamma oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat