Qulimiguullit nalliuttorsiornerat malunnartinneqassaaq
Aasamanna ukiut 40-t qaangiupput Sikorsky-helikopterit, S-61-inik taasartakkagut nunatsinnut takkummata. Nalliuttorsiornerlu malunnartinniarneqarumaartoq Air Greenland-imit nalunaarutigineqarpoq.
Qulimiguullit/helikopterit nunatsinni angallannermut allannguuteqartitsingaatsiarput. Ilaasut siornatigut ornitatik ullorpassuit atorlugit tikinniartakkatik, akunnialunnguit atorlugit tikittalerpaat.
Qulimiguullit/helikopterit pileruttormata Air Greenland S-61-nik arfineq pingasunik peqarpoq. 70-kkut naajartulerneranni Dash-7-ip qulimiguullit/helikopterit atuuffii tigujartuaalermatigit ullumikkut S-61-t marluinnanngorsimapput.
Qulimiguullip/helikopterip aappaa ullumikkut annaassiniarnerni taamaallaat atorneqartarpoq, aappaalu nunaqarfinnut timmisartuussinermi.
Nalliuttorsiornissaq ukiup ingerlanerani pissasoq, Air Greenland-imit nalunaarutigineqarpoq.
